Aishinka Tinka ass en Erzielconcert mat Jazzmusek a 4 bulgaresch Märercher iwwer Déieren, déi mol witzeg, mol schlau, liddereg, geféierlech oder och einfach nëmmen domm sinn: d’Geschicht vun der Märelsmadamm, déi all hir Eeër un d’Fuussemadamm verluer huet; déi vum Ochs, vum Hunn, vum Hues a vum Iesel, déi op der Flucht virun hiren ondankbaren a béisaartege Mënschen decidéieren, zesummen ze wunnen an ee Gesangsveräin ze grënnen ; déi vum Bopa senger Moul, an der ganz vill Deieren aus dem Bësch, wéi beispillsweis d’Maischen, d’Wëllschwäin an de Bier, ouni ze streiden

eng kal Wanternuecht zesumme verbruecht hunn; an dat Märche vum Fräsch, den der Mouk en ze groussen Hutt fir hire Gebuertsdag offréiert… Dat ganzt gëtt mat enger Grëtz Aishinka zerwéiert, en hybride Museksprojet tëschent Jazz, Klassik, urbaner Musek an traditioneller Musek, déi hiren Ursprong an der bulgarescher Lidderkultur huet. D’Basis besteet aus 3 Fraestëmme mat originell polyphonen an deels raue Kläng, déi mat Sopransaxophon, Piano, Kontrabass a Batterie vervollstännegt ginn.