De Moie, wou d’Emma säin 12. Gebuertsdag soll feieren, steet hatt op a freet sech schonn op säi Gebuertsdagskuch. Mee seng Elteren a säi klenge Brudder sinn net do. Anscheinend si si an d’Vakanz, erzielt en Inspekter dem Emma, deen sech lues a lues an eng Méck verwandelt. Hien erkläert dem Meedchen, dass hatt vun elo un ënner Arrest steet a sech viru Geriicht veräntwerten muss. Keen ass am Stand dem Emma ze erklären, wat him virgeworf gëtt.

Hatt mierkt séier, dass mam System vun der Justiz eppes net stëmmt, d’Emma ass e fräie Geescht an gëtt net op. Hat gleeft net, wat déi aner erzielen, an well sech seng eegen Meenung bilden.

Dëst Stéck inspiréiert sech um Kafka sengem Roman Der Prozess an ass eng Fabel iwwert de fräie Wëllen an d’Hannerfroe vu Fakten, déi scheinbar net ze änneren sinn. D’Emma huet et sengem staarke Wëllen ze verdanken, dass hatt mat der Erfarung wiisst an entdeckt, wat Fräiheet ass.